കാസര്‍കോട് നഗരസഭാ യോഗത്തിൽ കയ്യാങ്കളി.

Also Read

കാസർകോട് ഫയർ സ്റ്റേഷന് പുതിയ കെട്ടിടം പണിയും; വികസന പാക്കേജിൽ വിവിധ പദ്ധതികൾക്കായി അനുവദിച്ചത് 16.98 കോടി രൂപ; കൂടുതൽ അറിയാം..

കാസർകോട് സി.എച്ച് സെന്ററിൻ്റെ സൗജന്യ ഡയാലിസിസ് യൂണിറ്റ് എടനീർ മഠാതിപതി ശ്രീ ശ്രീ സച്ചിദാനന്ദ ഭാരതി സ്വാമിജി അവർകൾ സന്ദർശിച്ചു

കാസര്‍കോട്: കാസര്‍കോട് നഗരസഭാ കൗണ്‍സില്‍ യോഗത്തിൽ ഭരണ-പ്രതിപക്ഷ അംഗങ്ങൾ തമ്മിൽ ഏറ്റുമുട്ടൽ.  നഗരസഭയിലെ  ഭവന പുനരധിവാസ പദ്ധതിയിൽ അഴിമതി അരങ്ങേറുന്നതായി ആരോപിച്ച് ബി ജെ പി കൗൺസിലർമാർ  ചെയര്‍പേഴ്‌സൻ ബീഫാത്തിമ ഇബ്രാഹിമിന്റെ ചേമ്പറിലേക്ക് ഇരച്ചു കയറിയതിനെ തുടർന്നാണ് യോഗം ബഹളത്തിൽ കലാശിച്ചത്. ബി ജെ പിയുടെ 14 കൗണ്‍സിലര്‍മാരാണ് പ്രതിഷേധ സ്വരവുമായി പൊടുന്നനെ രംഗത്ത് വന്നത്.

ഭവന പുനരധിവാസ പദ്ധതിയില്‍ വന്‍ അഴിമതി നടന്നിട്ടുണ്ടെന്നും ഇത് മൂടി വെക്കാനാണ് നഗരസഭയുടെ ശ്രമമെന്നും അവര്‍ ആരോപിച്ചു. ആരോപണ വിധേയരായ ഭരണ കക്ഷി കൗണ്‍സിലര്‍മാർക്കും ഉദ്യോഗസ്ഥർക്കുമെതിരെ നടപടി വേണമെന്ന് ആവശ്യപ്പെട്ടു. മുദ്രാവാക്യം വിളിയും പരസ്‌പര വാഗ്‌വാദവും കൊണ്ട് അന്തരീക്ഷം മുഖരിതമായി ബി.ജെ.പി അംഗങ്ങള്‍ ചെയര്‍പേഴ്‌സന്റെ ചേമ്പറിനടുത്തേക്ക് ഇരച്ച് കയറി.  നഗരസഭാ പ്രതിപക്ഷ നേതാവ് പി. രമേശ്, കെ.ജെ മനോഹരന്‍, സവിത ടീച്ചര്‍, ഉമ, പ്രേമ, തുംഗപ്പ തുടങ്ങിയവരുടെ നേതൃത്വത്തിലായിരുന്നു പ്രതിഷേധം.