കള്ളപ്പണം വെളിപ്പെടുത്തിയ ബിസിനസുകാരനെ ചാനൽ സ്റ്റുഡിയോയിൽനിന്ന് ചർച്ചയ്ക്കിടെ കസ്റ്റഡിയിലെടുത്തു.

അഹമ്മദാബാദ് : കോടികളുടെ കള്ളപ്പണം വെളിപ്പെടുത്തിയ ഗുജറാത്തിലെ ബിസിനസുകാരൻ മഹേഷ് ഷായെ ആദായ നികുതി വകുപ്പ് ഉദ്യോഗസ്ഥർ കസ്റ്റഡിയിലെടുത്തു. അഹമ്മദാബാദിലെ ചാനൽ സ്റ്റുഡിയോയിൽ വെച്ച് ചർച്ചയ്ക്കിടെയാണ് കസ്റ്റഡിയിലെടുത്തത്. കോടികളുടെ കള്ളപ്പണം വെളിപ്പെടുത്തിയ ശേഷം നികുതി നൽകാത്തതിനാലാണ് ഉദ്യോഗസ്ഥരുടെ ഈ നടപടി.

Also Read

ഇ.വി.എമ്മില്‍ ബി.ജെ.പി കൃത്രിമം കാണിച്ചു; ആരോപണവുമായി ഗുജറാത്തിൽ കോണ്‍ഗ്രസ് സ്ഥാനാര്‍ത്ഥിയുടെ ആത്മഹത്യാ ശ്രമം

മഞ്ചേശ്വരം ഉപജില്ലാ മത്സരത്തിനിടെ സ്കൂള്‍ ശാസ്ത്ര മേളയുടെ പന്തല്‍ തകര്‍ന്നു; നിരവധി വിദ്യാര്‍ത്ഥികള്‍ക്ക് പരിക്ക്

രാഷ്ട്രീയക്കാരുടെയും സർക്കാർ ഉദ്യോഗസ്ഥരുടെയും 13,860 കോടിരൂപയുടെ കള്ളപ്പണമാണ് തൻറെ കയ്യിലുള്ളതെന്ന്  മഹേഷ് ഷാ വെളിപ്പെടുത്തിയിരുന്നു.
സെപ്തംബര്‍ 30 നാണ് 67 കാരനായ മഹേഷ് ഷാ പശ്ചിമ മേഖലാ മുഖ്യ ആദായ നികുതി കമീഷണര്‍ക്ക് മുമ്പാകെ കള്ളപ്പണം വെളിപ്പെടുത്തിയത്. ഇതു പ്രകാരം സര്‍ക്കാരിന് നികുതിയുടെ ആദ്യ ഗഡുവായി നല്‍കേണ്ട 1,560 കോടി രൂപ അദ്ദേഹത്തിന് അടക്കാനായിരുന്നില്ല.