കടുത്ത തീരുമാനങ്ങൾ ലക്ഷ്യമാക്കുന്നത് രാജ്യ പുരോഗതി ഒന്നു മാത്രം: പ്രധാനമന്ത്രി.

Also Read

ഇ.വി.എമ്മില്‍ ബി.ജെ.പി കൃത്രിമം കാണിച്ചു; ആരോപണവുമായി ഗുജറാത്തിൽ കോണ്‍ഗ്രസ് സ്ഥാനാര്‍ത്ഥിയുടെ ആത്മഹത്യാ ശ്രമം

മഞ്ചേശ്വരം ഉപജില്ലാ മത്സരത്തിനിടെ സ്കൂള്‍ ശാസ്ത്ര മേളയുടെ പന്തല്‍ തകര്‍ന്നു; നിരവധി വിദ്യാര്‍ത്ഥികള്‍ക്ക് പരിക്ക്

മുംബൈ: നോട്ട് നിരോധനം മൂലം കുറച്ച് കാലത്തേക്ക്  രാജ്യത്തെ ജനങ്ങൾക്ക് പ്രയാസമുണ്ടാകുമെങ്കിലും ദീര്‍ഘകാല അടിസ്ഥാനത്തില്‍ ഈ തീരുമാനം നേട്ടമായി മാറുമെന്ന് പ്രധാനമന്ത്രി നരേ​ന്ദ്ര മോദി. രാജ്യത്തിൻറെ നൻമ മുൻ നിർത്തിയാണ് ഇത്തരം തീരുമാനങ്ങളുമായി താൻ മുന്നോട്ട് പോകുന്നത്. ഇന്ത്യയുടെ നല്ല ഭാവിക്കായുള്ള സാമ്പത്തിക നയങ്ങളാണ്​ സർക്കാർ സ്വീകരിക്കുന്നത്. പ്രതിപക്ഷം ആരോപിക്കുന്ന രീതിയിൽ രാഷ്​ട്രീയ നേട്ടങ്ങൾക്ക്​ വേണ്ടിയുള്ളത​ല്ല ഇത്തരം നടപടിയെന്ന് അദ്ദേഹം പറഞ്ഞു. രാജ്യത്തിൻറെ സാമ്പത്തിക ഭദ്രത കാത്ത് സൂക്ഷിക്കാൻ ഓരോ പൗരനും നികുതി നൽകാൻ ബാധ്യസ്ഥനാണ്.

നാടിൻറെ വളര്‍ച്ച അളക്കേണ്ടത് ഗ്രാമങ്ങളിലെ ജനങ്ങളുടെ ജീവിത നിലവാരം നോക്കിയാകണം. കാര്‍ഷിക മേഖലയ്ക്ക് സഹായകരമാകുന്ന പുതിയ പദ്ധതികള്‍ ആവിഷ്‌കരിക്കാന്‍ സ്റ്റോക്ക് മാര്‍ക്കറ്റ് മുന്നോട്ടുവരണമെന്നും, ഇന്ത്യയെ വികസിത രാഷ്​ട്രമാക്കി മാറ്റുകയാണ്​ തൻ്റെ  ആത്യന്തിക ലക്ഷ്യമെന്നും അദ്ദേഹം കൂട്ടിച്ചേർത്തു. റായിഗഢില്‍ നാഷനല്‍ സെക്യൂരിറ്റീസ് മാര്‍ക്കറ്റ് കാമ്പസ് ഉദ്ഘാടനം ചെയ്‌ത്‌ സംസാരിക്കുകയായിരുന്നു  പ്രധാനമന്ത്രി.