എയർ ഇന്ത്യയുടെ വിമാനം വാങ്ങല്‍: സി.ബി.ഐ അന്വേഷിക്കണമെന്ന് സുപ്രീം കോടതി ഉത്തരവ്‌.

ന്യൂ‍ഡൽഹി: എയർ ഇന്ത്യയുടെ ‘അനാവശ്യമായ’ വിമാനം വാങ്ങലുകളെക്കുറിച്ച് സി.ബി.ഐ അന്വേഷിക്കണമെന്ന് സുപ്രീം കോടതി. 2004 – 2008 കാലഘട്ടത്തിൽ നടന്ന 111 എയർക്രാഫ്റ്റുകൾ വാങ്ങിയ ഇടപാടും ചില വിമാനങ്ങൾ പാട്ടത്തിനു വാങ്ങിയതും അന്വേഷിക്കണമെന്നാണ് കോടതി ആവശ്യപ്പെട്ടിരിക്കുന്നത്.

Also Read

ഇ.വി.എമ്മില്‍ ബി.ജെ.പി കൃത്രിമം കാണിച്ചു; ആരോപണവുമായി ഗുജറാത്തിൽ കോണ്‍ഗ്രസ് സ്ഥാനാര്‍ത്ഥിയുടെ ആത്മഹത്യാ ശ്രമം

മഞ്ചേശ്വരം ഉപജില്ലാ മത്സരത്തിനിടെ സ്കൂള്‍ ശാസ്ത്ര മേളയുടെ പന്തല്‍ തകര്‍ന്നു; നിരവധി വിദ്യാര്‍ത്ഥികള്‍ക്ക് പരിക്ക്

ഒന്നാം യു.പി.എ സർക്കാരിന്റെ കാലഘട്ടത്തിൽ നടന്ന ഇടപാടിനായി 67,000 കോടി രൂപയാണ് ചെലവായത്. സെന്റർ ഫോർ പബ്ലിക് ഇന്ററെസ്റ്റ് ലിറ്റിഗേഷൻ എന്ന സന്നദ്ധ സംഘടന നൽകിയ ഹർജിയിലാണ് സുപ്രീം കോടതിയുടെ  ഈ നിർദേശം. അതേസമയം, ഇക്കാര്യത്തിൽ 2013ൽ സി.ബി.ഐ കേസ് ഫയൽ ചെയ്തെന്നും 55 സാക്ഷികളെ ഇതുവരെ വിസ്തരിച്ചെന്നും അറ്റോർണി ജനറൽ മുകുള്‍ റോഹ്തഗി അറിയിച്ചു. യുകെയിൽ നിന്ന് ചില വിവരങ്ങൾ തേടിയിട്ടുണ്ടെന്നും ജൂൺ മാസത്തോടെ അന്വേഷണങ്ങൾ പൂർത്തീകരിക്കാനാകുമെന്നും റോഹ്തഗി കൂട്ടിച്ചേര്‍ത്തു.