ഇടപാടുകാരെ ജാഗ്രതൈ ! സൂക്ഷിച്ചോളൂ, ഇനി മേൽ എ ടി എം തൊട്ടാൽ കൈ പൊള്ളും…

തിരുവനന്തപുരം: എ.ടി.എം ഉപയോഗത്തിന് വീണ്ടും സര്‍വീസ് ചാര്‍ജ് ഈടാക്കി ബാങ്കുകള്‍. നോട്ട് പ്രതിസന്ധി തുടരുന്ന സാഹചര്യത്തില്‍ ബാങ്കുകളുടെ ഈ തീരുമാനം ഇടപാടുകാരുടെ മേല്‍ ഏല്‍ക്കുന്ന മറ്റൊരു ആഘാതമായി മാറും. സര്‍വീസ് ചാര്‍ജ് ഈടാക്കുന്നതിലൂടെ നോട്ട് അസാധുവാക്കലിനു ശേഷമുള്ള ഇളവാണ് അവസാനിക്കുന്നത്. കേരളത്തില്‍ ഒരുമാസം അഞ്ചുതവണ വരെയുള്ള എ.ടി.എം ഉപയോഗത്തിന് സര്‍വീസ് ചാര്‍ജ് ഈടാക്കുകയില്ല, അതിനു ശേഷം ഉപോഗിക്കുന്നതിന് സര്‍വീസ് ചാര്‍ജ് നല്‍കേണ്ടി വരും.

ചില ബാങ്കുകള്‍ 20 രൂപവരെ സര്‍വീസ് ചാര്‍ജ് ഈടാക്കുന്നുണ്ട്. കഴിഞ്ഞ ഡിസംബര്‍ 31 ഓടെയാണ് സര്‍വീസ് ചാര്‍ജ് വീണ്ടും നിലവില്‍ വന്നത്. ഇതിനെ തൂടര്‍ന്ന് ഗ്രാമീണ മേഖലയിലെ എ.ടി.എമ്മുകളിലും ബാങ്കുകളിലും കൂടുതല്‍ നോട്ടുകള്‍ ലഭ്യമാക്കാന്‍ റിസര്‍വ് ബാങ്ക് നിര്‍ദേശം നല്‍കിയിട്ടുണ്ട്. റീജനല്‍-റൂറല്‍ ബാങ്കുകള്‍, ജില്ലാ സഹകരണ ബാങ്കുകള്‍, ഗ്രാമീണ മേഖലയിലെ വാണിജ്യ ബാങ്കുകള്‍, എ.ടി.എമ്മുകള്‍ എന്നിവയ്ക്ക് മുന്‍ഗണന അടിസ്ഥാനത്തില്‍ നോട്ട് നല്‍കാനും റിസര്‍വ് ബാങ്ക് നിര്‍ദേശിച്ചിട്ടുണ്ട്.