അടുത്ത ഫ്രഞ്ച് പ്രസിഡന്റ് സ്ഥാനത്തേക്ക് മത്സരിക്കാനില്ല- ഫ്രാന്‍സ്വെ ഒലോന്ദ്.

Also Read

ഇന്ത്യയെ അപകീര്‍ത്തിപ്പെടുത്താന്‍ അന്താരാഷ്ട്ര ഗൂഢാലോചന നടക്കുന്നു; ശക്തമായ വില ഉടന്‍ നല്‍കേണ്ടി വരുമെന്ന് പ്രധാനമന്ത്രി

രേഖകളില്ലാതെ ജീവിക്കുന്ന 11 ദശലക്ഷം ജനങ്ങള്‍ക്ക് പൗരത്വം നല്‍കാന്‍ ബില്‍ കൊണ്ടുവരും: കമല ഹാരിസ്

പാരീസ്: തെരഞ്ഞെടുപ്പില്‍ രണ്ടാം തവണയും പ്രസിഡന്റ് സ്ഥാനത്തേക്ക് മത്സരിക്കാനില്ലെന്ന് അറിയിച്ച് ഫ്രഞ്ച് പ്രസിഡന്റ് ഫ്രാന്‍സ്വെ ഒലോന്ദ്. ഇക്കാര്യം ടെലിവിഷനിലൂടെയാണ് അദ്ദേഹം രാജ്യത്തെ അറിയിച്ചത്. രാജ്യത്തിന്റെ വെല്ലുവിളികള്‍ മനസ്സിലാക്കുന്നുവെന്നും നല്ല നാളേക്കുവേണ്ടിയാണ് എന്റെ ഈ തീരുമാനമെന്നും അദ്ദേഹം പറഞ്ഞു. തുടര്‍ച്ചയായ ഭീകരാക്രമണങ്ങള്‍, തൊഴിലില്ലായ്മ, യൂറോസോണിലെ പ്രതിസന്ധി എന്നീകാരണത്താല്‍ ജനപ്രീതി ഇടിഞ്ഞ ഭരണ കാലഘട്ടമായിരുന്നു ഒലോന്ദിന്റേത്. ആയതിനാല്‍ ഇത് തിരിച്ചറിഞ്ഞു കൊണ്ടാകാം അദ്ദേഹത്തിന്റെ ഈ പുതിയ പ്രഖ്യാപനം.

തെരഞ്ഞെടുപ്പില്‍ കണ്‍സര്‍വേറ്റീവ് റിപ്പബ്ലിക്കന്‍ പാര്‍ട്ടി സ്ഥാനാര്‍ത്ഥി ഫ്രാന്‍സ്വെ ഫില്ലന് മുന്‍തൂക്കമുള്ളതായാണ് റിപ്പോര്‍ട്ടുകള്‍. ഒലോന്ദിന്റെ മുന്‍ഗാമിയായ നിക്കോളാസ് സര്‍ക്കോസി മത്സരിക്കാന്‍ സാധ്യതയുണ്ടായിരുന്നെങ്കിലും ഒലോന്ദിന്റെ പിന്‍മാറ്റത്തോടെ സര്‍ക്കോസിയുടെ സാധ്യതയും മങ്ങുകയാണ്.