തെങ്ങിന് തടം മണ്ണിന് ജലം; ജല സംരക്ഷണത്തിനായി കാസർകോട്

കാസറഗോഡ്: തെങ്ങിന് തടം മണ്ണിന് ജലം ജനകീയ ക്യാമ്പൈൻ ജില്ലാതല ഉദ്ഘാടനം ബേഡഡുക്ക ഗ്രാമപ ഞ്ചായത്തിലെ കാഞ്ഞിരത്തിങ്കാലിലെ ബേഡകം തെങ്ങുകളുടെ വിത്തു ശേഖരണ തോട്ടത്തിൽ ജില്ല പഞ്ചായത്ത് പ്രസിഡണ്ട് പി.ബേബി ബാലകൃഷ്ണൻ നിർവ്വഹിച്ചു. വളരെ ഉയരം കൂടിയതും ജലസേചനം വളരെ കുറവ് ആവശ്യമായ ഇക്കോട്ടെപ്പുകളാണ് ബേഡകം തെങ്ങുകൾ. ഭൂഗർഭ ജല ചൂഷണം അതി തീവ്രമായ കാസർകോട് ജില്ലയിൽ തെങ്ങിന് തടം തീർത്തുകൊണ്ടുള്ള ഈ ജലസംരക്ഷണ ജനകീയ പരിപാടി വളരെ പ്രാധാന്യമുള്ളതാണ്.

Also Read

എൻഡോസൾഫാൻ ദുരിത ബാധിത പട്ടികയിൽ ഉൾപ്പെട്ട ഒരു യുവതി കൂടി മരണത്തിന് കീഴടങ്ങി; മരണപ്പെട്ടത് കാസർകോട് ഇടനീർ നെല്ലിക്കട്ട ഹൗസിലെ അനിസ

തളങ്കര ജി.എം.എച്ച്.എസ് 75 ബാച്ച് നടപ്പിലാക്കുന്ന ഗ്രീൻ കാസർകോട് പദ്ധതി മുന്നാട് പീപ്പിൾസ് കോളേജ് കാമ്പസിലും; കാസർകോട് എജ്യുക്കേഷൻ സൊസൈറ്റി പ്രസിഡൻ്റ് ഇ.പത്മാവതി വൃക്ഷതൈ നട്ടു

ബേഡഡുക്ക ഗ്രാമപഞ്ചായത്ത് പ്രസിഡണ്ട് എം.ധന്യ അധ്യക്ഷത വഹിച്ചു. പരിപാടിയിൽ നവകേരളം കർമ്മപദ്ധതി ജില്ല കോർഡിനേറ്റർ കെ.ബാലകൃഷ്ണൻ പരിപാടി വിശദീകരണം നടത്തി. കാറഡുക്ക ബ്ലോക്ക് പഞ്ചായത്ത് വൈസ് പ്രസിഡണ്ട് കെ.രമണി ഗ്രാമ പഞ്ചായത്ത്‌ സ്റ്റാൻഡിങ് കമ്മിറ്റി ചെയർപേഴ്സൺ ടി.വരദ രാജ്, ബി.എം.സി കൺവീനർ കെ.ബാലകൃഷ്ണൻ എന്നിവർ സംസാരിച്ചു. ലത ഗോപി സ്വാഗതവും ഹരിത കേരള മിഷൻ റിസോഴ്സ് പേഴ്സൺ പി.കെ ലോഹിതാക്ഷൻ നന്ദിയും പറഞ്ഞു. ഗ്രാമപഞ്ചായത്ത് അംഗങ്ങൾ, കാർഷിക കർമസേന അംഗങ്ങൾ, തൊഴിലുറപ്പ് തൊഴിലാളികൾ,കർഷകർ എന്നിവരും പങ്കെടുത്തു.