പയ്യന്നൂര്‍ വെള്ളാരങ്ങര പെരുങ്കളിയാട്ടം ചരിത്ര സംഭവമാകും.

Also Read

തളിപ്പറമ്പിലുണ്ടായ തീപിടിത്തം വലിയ ദുരന്തം; 10 കടകൾ പൂർണ്ണമായും കത്തിയമർന്നു; 40 ൽ അധികം കടകൾക്ക് തീപടർന്നതായി നാട്ടുകാർ; നിരവധി കുടുംബത്തെ നേരിട്ട് ബാധിക്കും; കോടികളുടെ നഷ്ട്ടം; കൂടുതൽ അറിയാം..

ആൾ കേരള ഫോട്ടോഗ്രാഫേഴ്സ് അസോസിയേഷൻ കാസർഗോഡ് ജില്ലാ കമ്മിറ്റി കർഷക കൂട്ടായ്മ സംഘടിപ്പിച്ചു; മികച്ച കർഷകരെ ആദരിച്ചു

കണ്ണൂര്‍: പയ്യന്നൂരിലെ പ്രസിദ്ധമായ തായിനേരി ശ്രീ വെള്ളാരങ്ങര ഭഗവതി ക്ഷേത്രത്തില്‍ 95 സംവത്സരങ്ങള്‍ക്ക് ശേഷം നടക്കുന്ന പെരുങ്കളിയാട്ട മഹോത്സവത്തിന്റെ പ്രാരംഭ ചടങ്ങുകള്‍ക്ക് ആയിരങ്ങള്‍ സാക്ഷ്യം വഹിച്ചു. ഭക്തി നിര്‍ഭരമായ ചടങ്ങുകളോടെ നടന്ന ‘വരച്ചുവെക്കല്‍’ ദര്‍ശിക്കാന്‍ വന്‍ ജനാവലിയാണ് ക്ഷേത്ര സന്നിധിയില്‍ എത്തിയത്. നാലു നാള്‍ നീണ്ട പെരുങ്കളിയാട്ടത്തിലെ പ്രധാന ദേവതയായ വെള്ളാരങ്ങര ഭഗവതിയുടെ കോലധാരിയെ വരച്ചുവെക്കലില്‍ നിശ്ചയിച്ചു.

കോറോം ആലക്കാട്ടെ പ്രശസ്ത തെയ്യം കലാകാരന്‍ രഘു നേണിക്കത്തിനാണ് വെള്ളാരങ്ങര ഭഗവതിയുടെ കോലധാരി ആകാനുള്ള നിയോഗം തെളിഞ്ഞത്. ഡിസംബര്‍ 30,31 ജനുവരി 1, 2 എന്നീ തീയതികളിലായാണ് പെരുങ്കളിയാട്ടം അരങ്ങേറുന്നത്. നാടിന്റെ നാനാഭാഗങ്ങളില്‍ നിന്ന് ആയിരങ്ങള്‍ പെരുങ്കളിയാട്ടം ദര്‍ശിക്കാന്‍ എത്തും.(ഫോണ്‍: 04985 209877).